Video
Read full review
2015-12-11
263 views
一向對德國餐情有獨鐘，尤記得剛畢業時到德國旅行，見到當地人係户外木制長枱一邊舉杯暢飲德國啤，一邊品嚐各種德國香腸，那種暢快感覺，到依家仍然係瀝瀝在目。係數年前已經幫襯過這間德國餐廳Fass兩次，今次同好友聚餐，難得可以把酒言歡，便提意呢間有質素嘅Fass。Fass位於河內道，K11對面，港鐵站N2出口。入口位於酒吧旁，沿著樓梯向下走，就有如入酒窖一樣神秘。餐廳以一個個大啤酒桶作主題，大家可以坐係木桶內用餐，私人度十足，想悄悄話都唔怕隔離聽到。食德國餐一定唔少得啤酒，點了Bitburger lemon draft beer 0.5L $75。啤酒泡十足，色澤通透，飲落帶點檸檬香氣，雖然麥味唔多，但勝在易入口，啱晒女仔口味。仲有其他嘅draft beer同bottle beer，總有一款啱自己口味。Salad 點咗tomato and buffalo mozzarella cheese$108 ，同埋classic caesar$98 。兩個沙律都非常出色，切厚片的mozzarella 水牛芝士，配上切片的番茄，以及新鮮的羅勒葉，口感清新，旁邊嘅沙律菜同樣新鮮，黑醋酸而帶點果香。至於Cla
Fass位於河內道，K11對面，港鐵站N2出口。入口位於酒吧旁，沿著樓梯向下走，就有如入酒窖一樣神秘。餐廳以一個個大啤酒桶作主題，大家可以坐係木桶內用餐，私人度十足，想悄悄話都唔怕隔離聽到。
食德國餐一定唔少得啤酒，點了Bitburger lemon draft beer 0.5L $75。啤酒泡十足，色澤通透，飲落帶點檸檬香氣，雖然麥味唔多，但勝在易入口，啱晒女仔口味。仲有其他嘅draft beer同bottle beer，總有一款啱自己口味。
Salad 點咗tomato and buffalo mozzarella cheese$108 ，同埋classic caesar$98 。兩個沙律都非常出色，切厚片的mozzarella 水牛芝士，配上切片的番茄，以及新鮮的羅勒葉，口感清新，旁邊嘅沙律菜同樣新鮮，黑醋酸而帶點果香。至於Classic Caesar 凱撒沙律，跟一般凱撒沙律略有不同，羅馬生菜切成粒粒狀，食落更加爽脆而且廚師已經一早預伴好沙律，令沙律菜平均沾滿沙律醬亦，無平時食醬多個食菜嘅感覺，Parmesan cheese 份量適宜，配上煎香嘅煙肉碎，提升整沙律咸香。
食德國菜又點少得咸豬手呢？我覺得咸豬手最能夠顯示出餐廳嘅功力。Roasted Pork Knuckle $198,咸豬手皮脆肉嫩，每一啖都夾著脆卜卜同埋油香，而且亦唔會過咸，每一啖都充滿骨膠原。配上芥末醬，以及德國酸菜，去中和返油膩感覺。Side dishes揀咗meshed potato $38同pan fried potato $45 。兩個配菜都相當出色，薯蓉口感細滑，充滿牛油香味，令人愛恨交纏。香煎著仔鑊氣十足，加上洋蔥茄汁一齊煎香，簡直香氣四溢。
Brised ox tail served with risotto $178，十分正宗嘅一個意大利飯，好多時西餐廳都會將意大利米煮到好似珍珠米一樣口感，而滿足中國人對米飯嘅要求，但可惜正宗嘅risotto 煮好時嘅質感好像半熟米一樣，難讓習慣熟爛米飯的亞洲人接受。但要吃當然要吃正宗，否則就同係茶餐廳据扒一樣算罷。Braised ox tail固名思義係燴牛尾，整碟意大利燉飯都充滿了濃郁嘅燴牛尾味道，吸收了全部精華。
最後黎甜品lemon tart $68，外表賣相吸引，面頭上嘅棉花糖烤得半焦半溶，裡面夾著檸檬味吉士，非常清新，lemon tart配上Ram raisin 雪糕，夠晒特別。喜歡酸酸甜甜嘅朋友絕不能錯過。
幾年後再同呢間餐廳重遇，感覺依舊，食物質素依舊美味，環境格調亦無改變。假如想嚐試一下德國人對啤酒以及美食嘅追求，這間餐廳絕不能錯過。P.S.如果想坐木桶，記得一定要預約啊~
Post
