唐包點

Open Now

Now Closed

上星期有日收工突然想食盅頭飯，但夜媽媽諗唔到邊到有得賣，就醒起平時地鐵站經過有間唐包點，所以就落左地鐵站睇睇。去到發現都有幾多款式既盅頭飯，樣樣都想試下，有選擇困難既我，最後就揀左章魚肉餅飯，北菇雞飯同咸魚肉餅飯，同屋企人share，每樣都試下！除左盅頭飯之外，唐包點仲有好多包同點心，好似鳳爪，排骨等等，我地就加左菜肉包同埋香菇雞包試試。講返d盅頭飯，質素一d都唔比酒樓同點心鋪既差，肉餅香口，雞肉亦嫩，份量足夠，最重要係唐包點周圍都有分店，非常方便，絕對係性價比高既另類點心選擇！