金港海鮮酒家 (Closed)

今晚一家人到金港食晚飯，星期日晚市都有很多特價小菜，特價海產，皇牌孖寶等等。清蒸沙巴老虎斑，我地4位，可以優惠價$18享用一斤，魚新鮮大大條，蒸得剛剛好，配上大量葱一齊食，好好味。芝士焗生蝦伊麵份量多，芝士配伊麵真是一個很好的配撘，我覺得芝士味濃一些會更好味。魚香茄子煲，熱辣辣，茄子淋，配上肉碎冬菇鹹魚，鹹鹹辣辣好惹味，用來送飯一流 ，但略嫌鹹了些。菠蘿咕嚕肉香口，酸酸甜甜，但咕嚕肉切得太大件。三大一小埋單三百幾。