酒泉日本料理 (Closed)

今日同朋友去左一間於元朗的酒泉日本料理，依間餐廳都好耐歷史了，裝修比較舊，好有老店嘅風格，我地叫左甜蝦，吞拿魚腩，左口魚群邊，帶子壽司，油甘魚壽司，象拔蚌壽司，及海膽壽司等、壽司口感不是太新鮮，冇味，唔爽，攞到埋黎已經暖暖地，仲叫左軟殼蟹手卷、這個味道比較正常，紫菜都仲脆嘅，另外串燒牛脷就比較硬，冇乜味，芥末芝士焗生蠔，太多芥末，好辣，蓋過晒芝士同蠔味，懷疑係d蠔，唔太新鮮，要用芥末去蓋過佢，d蠔又細隻，蟹子沙律（一人前），蟹子都算多，下面有少少蟹柳，但份量唔多，味道一般，海老什菜天婦羅好大碟，但係完全無味，兩隻炸蝦，一陣雪味，其他9件都係蕃薯同茄子，無其他蔬菜類，大大舊食到唔想食，其實除左海膽壽司及軟殼蟹手卷叫做過得去外，其他都好難食，十年前食都幾好食，依家好難食，唔會再去 ><