酒肉·朋友 (Closed)

今日放工放得早，約人食飯未夠鐘，在附近搵吓有咩口痕嘢食，橫街發現間新鋪，真係直接，專門做串燒的，舖名就叫酒肉朋友，啤酒與大肉，從來都是兄弟們的浪漫，英文名文雅一點叫 Brother's。點心紙睇落都有六70款串燒揀，我隨便揀了四款有手指公推介。第一款送來的，吞拿魚額頂燒，又名腦天，真刁鑽，超正、超肥美、細細件、極矜貴，諗都諗到個魚頭究竟有幾多額頭肉啦，見到個樣油光滿面，知道可以食到幾多健康魚油。第二款到的，燒生淮山，又係諗唔到嘅菜式，想唔到淮山燒都咁好食，非常爽口，隨便加左鹽同胡椒就咁好食，今晚真係學到野！最後燒鰻魚同埋招牌紫蘇雞皮蝦卷一齊上，紫蘇雞皮哈卷有創意，又諗唔到雞皮可以咁脆，做得非常好，同啲蝦肉都好夾，少少紫蘇葉吊味，鰻魚皮脆肉嫩，美味！真開心，所有串燒都有水準，我的飯前小食是否很豐富呢？