Video
Read full review
2018-08-15
967 views
來尖沙咀上堂，下課後打算先去半島中心拍卡，然後再去買點東西才回家。由於離晚飯還有一段時間，所以很想買個包填下肚。路經金巴利道，看到這間叫「Heat Bakery」嘅麵包店，探頭內望，雖然門口狹小，但店面乾淨企理，一邊賣麵包、而另一邊就賣雜貨，一於入內進看看。估唔到間舖頭細細，但麵包同酥餅嘅款式都唔少，淨係蝴蝶酥都有分大中細三個 Size，另外仲有鬆餅、冬甩、朱古力布朗尼、海綿蛋糕、牛角包、拿破崙卷、黑麵包同一系列自家製曲奇、花生醬等，就一於買幾個包返屋企同小鬼分享。吞拿魚三角酥 ($18)，件吞拿魚酥外形勁大個，好厚身，不過可能是晚上買的關係，外層的酥皮已不太酥脆鬆化，幸好翻熱後，食味亦不俗，尤其喜愛入面的餡料，啖啖都是濃郁嘅吞拿魚，食得既滿足又飽肚！這個是朱古力牛角包 ($15)，包身同樣大大個、脹卜卜，酥底食落唔會油淋淋，而且層層疊疊的酥皮，入口散發著出濃郁的牛油甘香，滋味得令人連一片碎屑，也不捨浪費。不過講到最正，還是入面嘅朱古力醬餡，朱古力味非常香濃，味道一流！另外亦選購了迷你菠菜酥 ($6) 同一口吞拿魚酥 ($6x2)，吞拿魚酥就食得多，但菠菜酥真係比較少見，個迷你酥入面
來尖沙咀上堂，下課後打算先去半島中心拍卡，然後再去買點東西才回家。由於離晚飯還有一段時間，所以很想買個包填下肚。路經金巴利道，看到這間叫「Heat Bakery」嘅麵包店，探頭內望，雖然門口狹小，但店面乾淨企理，一邊賣麵包、而另一邊就賣雜貨，一於入內進看看。
估唔到間舖頭細細，但麵包同酥餅嘅款式都唔少，淨係蝴蝶酥都有分大中細三個 Size，另外仲有鬆餅、冬甩、朱古力布朗尼、海綿蛋糕、牛角包、拿破崙卷、黑麵包同一系列自家製曲奇、花生醬等，就一於買幾個包返屋企同小鬼分享。
吞拿魚三角酥 ($18)，件吞拿魚酥外形勁大個，好厚身，不過可能是晚上買的關係，外層的酥皮已不太酥脆鬆化，幸好翻熱後，食味亦不俗，尤其喜愛入面的餡料，啖啖都是濃郁嘅吞拿魚，食得既滿足又飽肚！
這個是朱古力牛角包 ($15)，包身同樣大大個、脹卜卜，酥底食落唔會油淋淋，而且層層疊疊的酥皮，入口散發著出濃郁的牛油甘香，滋味得令人連一片碎屑，也不捨浪費。不過講到最正，還是入面嘅朱古力醬餡，朱古力味非常香濃，味道一流！
另外亦選購了迷你菠菜酥 ($6) 同一口吞拿魚酥 ($6x2)，吞拿魚酥就食得多，但菠菜酥真係比較少見，個迷你酥入面的菠菜餡，雖然不多，但食落不粗糙，有明顯的菠菜香甜，好味又健康，不過可能是迷你的關係，菠菜份量下得略嫌有點少，否則食味更佳。
Post
