Video
Read full review
2024-11-15
224 views
今晚喺大圍食晚飯，食完飯想搵甜品食，上網見呢間多好評，就嚟試吓先。.呢度都幾多甜品糖水選擇，包括椰皇系列、傳統中式糖水、奶凍布甸、芋圓、沙冰、雪花冰、烤焗及窩夫類等等。.今晚我哋想食西式甜品，就叫了〈芒果拿破崙加朱古力雪糕〉及〈菠蘿酥皮卷伴曲奇雪糕〉。兩款都即叫即做，酥皮好脆，係有誠意之作。.芒果拿破崙加朱古力雪糕 —呢度嘅拿破崙賣相同坊間嘅不同，酥皮肥嘟嘟好可愛，賣相幾靚😍酥皮好香，好鬆化；兩層酥皮，上層放有芒果粒，中間夾住吉士醬，酥皮沾吉士醬好食；芒果粒都算甜，一啲都唔酸，配埋雪糕一齊食都幾好味。.菠蘿酥皮卷伴曲奇雪糕 —呢款甜品幾特別，喺其他甜品舖未見過。酥皮卷好薄好脆；入面有微烤過嘅菠蘿粒同蛋糕，菠蘿酸酸甜甜好食，烤過仲幾香幾好味；微溫嘅酥皮卷加凍雪糕一齊食，口感都唔錯。呢款甜品幾特別又好食，有驚喜👍🏻
.
呢度都幾多甜品糖水選擇，包括椰皇系列、傳統中式糖水、奶凍布甸、芋圓、沙冰、雪花冰、烤焗及窩夫類等等。
.
今晚我哋想食西式甜品，就叫了〈芒果拿破崙加朱古力雪糕〉及〈菠蘿酥皮卷伴曲奇雪糕〉。
兩款都即叫即做，酥皮好脆，係有誠意之作。
.
芒果拿破崙加朱古力雪糕 —
呢度嘅拿破崙賣相同坊間嘅不同，酥皮肥嘟嘟好可愛，賣相幾靚😍
酥皮好香，好鬆化；兩層酥皮，上層放有芒果粒，中間夾住吉士醬，酥皮沾吉士醬好食；
芒果粒都算甜，一啲都唔酸，配埋雪糕一齊食都幾好味。
.
菠蘿酥皮卷伴曲奇雪糕 —
呢款甜品幾特別，喺其他甜品舖未見過。
酥皮卷好薄好脆；
入面有微烤過嘅菠蘿粒同蛋糕，菠蘿酸酸甜甜好食，烤過仲幾香幾好味；
微溫嘅酥皮卷加凍雪糕一齊食，口感都唔錯。
呢款甜品幾特別又好食，有驚喜👍🏻
Post
