莆田 (美麗華廣場2期) (Closed)

今日帶個朋友黎美麗華二期呢間莆田食飯。想食啲蔬菜類，叫左冰浸苦瓜，切到咁樣一片片，再點啲蜜糖，連我呢個平時唔食苦瓜既朋友都話好味。扁肉湯，入面啲紫菜超爽口，一粒粒用軟軟既皮包起既扁肉，加上醋，酸酸地，好正。主食叫興化炒米粉，有蜆肉、蝦、紫菜。唔油，又唔會痴住一舊，廚師真厲害。莆田荔枝肉，係一粒粒酸甜既豬肉同甜椒同荔枝一齊炒，配個米粉食簡直一流！蟶子當造，當然叫番兩款黎嘆下。分別點左紅菇鮮蟶湯同蒜蓉蒸蟶子。蟶子係湯入面膨脹得好大隻，咬落去係爆汁架。蒜蓉蒸蟶子就無咁大隻，但用蒜調味後別有另一番風味。食完呢餐之後真係對福建菜認識多左好多。