ALIVE EATERY by Alive Food (Closed)

我其實就好少過海既，深水埗對我黎講其實真係好遠，但最近愛上左酸種麵包，之前睇過介紹呢間餐廳既短片，所以就去下呢間由一對西班牙香港情侶開既餐廳。我就揀左平日既lunch time去，有幾檯客但唔洗等位，環境好骨子但係舒適既。我就嗌左牛油果莎莎酸種麵包，我建議大家用手拎住食好過用刀叉，因為都幾難切，的確係好味既。甜品就嗌左焦糖法國奶油酸種布甸，焦糖外面脆脆地，入面滑，唔會太甜。叫左枝火龍果香茅紅茶菌幸福茶，味道唔錯，但係樽入面有一pat應該係菌既物體，視覺上有點過唔到自己，所以飲淨個pat野。總括：食物質素好，價錢係深水埗黎講應該唔算平，如果比呢個價格，我應該可以係中環食，唔洗去到深水埗咁遠。