廚十三老壇酸菜魚 (譽發廣場) (Closed)

一心聽人介紹食廚十三酸菜魚，今天終於一試。下午2點幾去到，無咩人，環境都幾舒服。嗌咗個酸菜魚午餐，一個酸菜魚二人份量，另外仲叫咗皮蛋小食，同埋糍粑。先講酸菜魚，本身已經配左兩碗白飯。本身我哋唔食得辣，所以酸菜魚叫咗微辣。佢個酸菜魚入面有好多配料，有酸菜，豆腐，蘿蔔，金菇等等。所以都好夠飽。皮蛋小食，味道唔錯，不過好重嘅蒜蓉味，食完好口渴，不過不失啦。至於糍粑都不錯，略嫌入面唔夠煙韌，但整體都唔錯。總體來說，酸菜魚是值得推介的。