麻辣風雲 (京都廣場) (Closed)

酸菜魚成行成市，但如果想食酸、辣、麻、鮮兼備的酸菜魚，而又要價錢實惠，坐得舒服的，我會去銅鑼灣的麻辣風雲，一出𨋢便聞到香噴噴的花椒香味。招牌酸菜魚配白飯（$88）客飯套餐一樣有酸菜魚，真係啱曬一人獨享。這家的酸菜魚可自選酸度、辣度和麻度，魚片新鮮嫩滑，份量又多，加埋滑捋捋嘅闊條薯粉、芽菜、萵荀等配菜，很豐富。雖然我全部叫小酸小辣小麻，但都幾辣和麻的，不過辣得有層次，又好送飯。雲南小鍋米線（$48）這碗米線本身已有豬肉碎、酸菜、芽菜和芫荽等，就算不加配料都已好好味。尤其湯底夠香夠濃，米線索曬湯汁，很好食。麻辣夫妻肺片（套餐+38）牛肚、牛𦟌、牛舌，薄切爽口惹味，下面還有青瓜絲。洛神花茶（套餐+18）酸酸甜甜，食完辣嘢飲一啖，好舒服。而最正是飲到尾都仍然好夠味。