元元酸菜魚

Open Now

Now Closed

繼疫情持續無得北上，川菜餐廳都開到成行成市，但就唔係間間都好食，要食到一間好食嘅酸菜魚都唔易，今次就去將軍澳呢間餐廳試試。元元酸菜魚有唔同辣度可以揀，我地揀咗少辣，少辣真的不太辣，辣度容易，湯底味道濃郁，而且唔會好油，要黎拌飯就一流，魚片滑溜鮮甜又冇骨，配菜用料豐富，有豆芽、豆卜、萵筍、雲耳同薯粉。沙姜豬手豬手爽脆彈牙，作為前菜幾開胃。清炒萵筍絲萵筍好爽口，而且份量十足，係一道不錯嘅解膩菜。雪菜肉絲炒年糕年糕煙煙韌韌，很有嚼勁，雪菜肉絲傳統配搭，味道清新。仲有叫咗兩杯醋頭家嘅果醋飲品，好少飲果醋，所以好想試下，叫咗一杯乳酪同一杯沙冰，入口酸酸地又不嗆喉，估唔到又幾好飲。