魚眾不同酸菜魚 (花都廣場)

Open Now

Now Closed

想食酸菜魚唔洗再答車出去食，屋企附近就開左一間😄方便就腳當然要去試下！呢間餐廳都幾大幾靚，樓底好高好有空間感👍🏻餐牌有好多人一份量系列，各人可以選擇適合自己嘅辣度同菜式「鱸魚片酸菜魚米線」$73我就點左個酸菜魚，有三種魚可以選擇：鱸魚，鯛魚同埋生魚片，我揀左鱸魚片，因為比較鮮甜，如果鍾意爽口嘅朋友就可以選生魚片。魚片份量都好多，有成十塊，肉質腍滑，酸上酸辣湯，十分開胃。酸辣湯辣度適中，唔會太過辣，好適合香港人口味。每碗麵仲可以免費揀兩款餸菜，我揀左金菇同埋娃娃菜，貪佢可以吸多啲酸辣汁，夠曬惹味另外仲叫左個煲仔飯，超多飯焦，少少凍嘅天氣食感覺好正！無論食麵定飯都算係大份抵食👍🏻😙