十二味功夫 (Closed)

因為係食川菜所以佢哋好貼心咁提供凍水，基本上你一坐低佢哋就會擺支水同埋小食上枱。枱面仲會提供一個袋俾你裝口罩。今次兩個人嗌左一個酸菜魚同埋兩碗白飯。未上枱嘅時候，見到隔離枱啲酸菜魚好大兜，本身仲好擔心兩個人會食唔晒，上到枱先發現其實係得個碗大，入邊啲魚其實唔係好多，不過碗飯其實都真係幾大碗。嗌咗小辣不過感覺上啲魚同埋配菜都唔辣，淨係個湯底會有少少辣。兩個人食完超級飽，對佢個乾鍋都幾有興趣，下次有機會會再試同埋店員嘅服務都唔錯，見到你個杯冇乜水，佢哋都會主動走黎倒