十二味 (荃灣千色匯I)

Open Now

Now Closed

一向中意食辣既我，今日嚟到呢間新派川菜食飯，聽講佢嘅味道非常正宗，一於試試佢既招牌酸菜魚！✨人見人愛酸菜魚我哋叫咗小辣程度，食得過癮之餘又唔會辣到出晒汗，啱啱好。魚片係冇骨㗎，肉質鮮嫩滑溜，分量驚人。食得出落咗好多香料，非常惹味，湯底送飯一流！✨川式口水雞一望落去超多辣油，但係食落又唔算好油。上面仲有唔少花生碎同芝麻，所以味道幾豐富。雞肉嫩滑，皮下脂肪少，雞皮食落爽脆唔膩。原來下面仲鋪滿左青瓜架！如果份量再多啲，就更好啦！✨夫妻肺片呢度嘅夫妻肺片係以牛舌同牛胃為主，所以口感爽口彈牙，而且滷得非常入味。加上上面淋左啲辣椒、花椒整成既紅油澆，味道麻辣濃香，非常有風味。