川霸王 (Closed)

朋友介紹我話佢公司附近有間食酸菜魚幾好食，叫我去試吓，所以今晚我就過嚟會一會😋我揀咗霸王酸菜魚會跟一碗白飯，佢有五種辣度，BB辣、小辣、中辣、大辣同埋霸王辣，我揀咗小辣（唔敢叫太高試吓佢咩料先😄重點係我本身唔係好食得辣😂）我朋友就揀咗霸王粉麵，有三種湯底選擇，清湯、麻辣、酸辣，有16種配料可以選擇三種，麵就有紅薯粉、米線、烏冬、粉絲選擇。佢就揀咗麻辣不過係BB辣（因為佢食辣嘅程度仲渣過我😆）配料就揀咗雞肉、鴨血、午餐肉，要粉絲。同埋加$12就可以有一款嘢飲同埋一份細分小食，我哋揀咗紅油抄手涼拌小青瓜。等咗一陣我碗酸菜魚到啦！開頭見到碗酸菜魚唔係好似我平時食開嗰啲，佢應該係用龍利魚做，其實我本身唔係好鍾意食龍利魚，因為每次食都覺得佢有一浸味（唔知係雪味定泥味）不過呢個師傅好嘢👍🏻我識第一舊嘅時候發覺冇咗我原本唔鍾意嗰陣味，我諗佢應該係處理嗰啲魚，所以跟住就覺得好正，大大嚿肉啖啖肉，所以食得好爽，然後最犀利嘅係個湯，好多時食酸菜魚都驚個湯唔夠酸，呢個師傅煮嘅湯，夠酸👍🏻辣度又啱啱好👍🏻仲有啲麻👍🏻完全啱晒我口味👍🏻👍🏻👍🏻👍🏻一大碗酸菜魚跟一碗白飯都係$48，真係CP值超值！