sift desserts (希慎廣場) (Closed)

Order左1盒12件minicupcake慶祝朋友畢業。要左4件red velvet，green tea latte, toffee apple, luscious chocolate,salty caramel每樣2件。Red velvet非常鬆軟而最surprise係上面啲cream係酸酸地，成個cupcake食落唔會漏又唔會滯，係咁多隻味入面我最中意既。Salty caramel n luscious chocolate都係啡色唔係好分到邊隻打邊隻，不過兩隻食落都太甜，中意甜野既人可能會覺得口感rich啲。Greentea latte食落雖然唔係太重綠茶味，不過清清地幾好味而且唔會好似之前兩隻味咁甜。Toffee apple本身以為拖肥一定甜，點知溝埋蘋果酸酸地又match得幾好，而且上面啲cream真係食到蘋果粒，平時唔中意食蘋果批既我都覺得好好味。一盒12個要$180其實小貴，不過貴得值得，下次會想試埋其他味。