爽爽麵店 (Moved) New Location

兩個人唻食食咩好？既然叫得醉雞豬扒店就梗係要每樣唻一碗。而店內又有新鮮同冰鮮兩款雞，所以就要咗新鮮醉雞米同豬扒米再跟杯菊花茶。醉雞米（$47），坊間一份醉雞都要五六十蚊米，呢度呢個價錢仲要包米粉算係好底。而味道方面亦唔差，酒味幾香唔會苦，汁底蓋過雞唔小家，雞肉夠滑又入味。豬扒米（$34），列入店名又比冰鮮雞貴兩蚊所以對佢有一定期望，點知有啲失望。只係一般煎豬扒，味道又無乜特別，唔覺得有驚喜醃法。菊花茶（$8），冰涼唔太甜。