肉骨皇 (Closed)

餐廳環境正常企理，門面共有兩非華藉侍應打開菜單見到價錢偏貴，喇沙最平都$138起最終決定嗌一肉骨茶，一菜，一主食兩人share第一個到的菜式是肉骨茶，廚房做好半製成品後，侍應會再在樓面用gas爐加熱先再上枱第一碗時覺得有70分以上，味道偏甜，都足料，有差不多10嚿8嚿ribs，菇，豆卜，青口等。但青口唔好食（韌），豆卜唔入甜第二碗開始就飲唔到落去，開始覺得味太濃，有點重口味但應該無/好少味精，離開後無覺得口渴第二道是馬拉盞炒通菜，正常發揮第三道最差的海鮮喇沙上桌外形很ok，有4-5隻蝦，青口，蜆，豆卜，魚片，主食揀咗摻摻麵底一開始食就現真章，海鮮真係唔好亂嗌蝦有1隻霉咗；青口繼續韌；蜆發臭；最離譜係連魚片都酸酸地食咗半碗都無的麵底就唔敢繼續落去野飲嚟講都可謂非常不堪：鹹檸梳打無特別，始終材料都係現成野，難啲出事杯椰汁涼粉冰就真心出事，飲第一啖已經覺得怪怪地，以為係椰汁比較淡口而已。一食涼粉就知問題係佢，吞唔到即刻要吐出嚟；酸嘅涼粉！成餐飯食咗$532元，性價比低都算，最緊要係廚房的環境衛生或者存放食物嘅方法好令人擔憂。啲野唔係酸餿就臭，直接影響食物質素及味道！