爽爽麵店

Open Now

Now Closed

醉雞豬扒撈麵醉雞同豬扒都係呢一間舖頭嘅招牌，所以嗌咗呢個一次過試晒兩款，初頭以為撈麵係營多嗰啲。不過最後佢同我講話係蠔油撈麵，開食嘅時候可能自己唔係太習慣，覺得個撈麵有啲鹹。之後開始試個醉雞，一試就知唔簡單。醉雞汁好有酒味，每個雞都好滑。而且師傅斬雞之後都唔會有碎骨喺啲雞度。之後講吓個豬扒，豬扒好厚，但係又唔係好鞋，而且佢唔係醃肉醃到好滑嗰種。令到我覺得果然名不虛傳。環境呢度個環境就好似啲小型麵舖，加埋我可能星期六去食，要等位。雖然諗咪買單都$70左右，但係都值得嘅，大家真係可以去試，強推呀！