89
29
14
Level4
1.1K
78
::: 醉雞醉了 :::
2012-04-23 20 views
2月4日, 作為一個港島人, 基本上對元朗天水圍一帶嘅食點認知係零. 今日難得有地頭朋友帶我地嚟搵食, 事前佢多番提及呢間爽爽嘅醉雞米有幾好幾好食~ 事後上openrice一睇先知原來佢已經被列為入圍熱店之一~ 果然係名不虛傳呀下!::: 醉雞拼豬扒米 ::: $45一場嚟到, 發現呢到除咗醉雞出名之外亦都主打豬扒~ 喺食方面從來唔執輸嘅我地梗係要兩樣都試晒啦! 更何況雙拼都只係貴過單叫$7~ 醉雞仲可以揀上脾下脾同雞胸添! 上菜速度都幾有效率~ 醉雞係另兜上, 係已經斬件浸喺醉雞汁入面嘅冷盤. 未食已經聞到好強烈嘅酒味! 一食~ 除咗d雞皮厚咗d之外, 雞肉細嫩有酒香~ 好味! 最讚係個汁! 酒味濃香得嚟唔會過烈~ 食晒d雞真係忍唔住倒埋d汁落d米粉度撈埋食! 超正~ 反而豬扒口感鬆軟但味道一般, 普遍咗d~::: 自製菊花茶 (凍) ::: $7/杯成日不停食同講野搞到喉嚨有d乾, 見呢度有自製菊花茶就叫咗杯嚟飲下~ 本身只係諗住解下渴點知原來又有驚喜喎! 菊花茶雪得勁冰涼, 味道唔會太甜兼滲出淡淡菊花香~ 飲完喉嚨勁舒服~ 推介!如果當佢係一間平民食肆咁睇, 成卅幾四十蚊一碗粉麵
Read full review
2月4日, 作為一個港島人, 基本上對元朗天水圍一帶嘅食點認知係零. 今日難得有地頭朋友帶我地嚟搵食, 事前佢多番提及呢間爽爽嘅醉雞米有幾好幾好食~ 事後上openrice一睇先知原來佢已經被列為入圍熱店之一~ 果然係名不虛傳呀下!

::: 醉雞拼豬扒米 ::: $45
一場嚟到, 發現呢到除咗醉雞出名之外亦都主打豬扒~ 喺食方面從來唔執輸嘅我地梗係要兩樣都試晒啦! 更何況雙拼都只係貴過單叫$7~ 醉雞仲可以揀上脾下脾同雞胸添! 上菜速度都幾有效率~ 醉雞係另兜上, 係已經斬件浸喺醉雞汁入面嘅冷盤. 未食已經聞到好強烈嘅酒味! 一食~ 除咗d雞皮厚咗d之外, 雞肉細嫩有酒香~ 好味! 最讚係個汁! 酒味濃香得嚟唔會過烈~ 食晒d雞真係忍唔住倒埋d汁落d米粉度撈埋食! 超正~ 反而豬扒口感鬆軟但味道一般, 普遍咗d~
醉雞
61 views
0 likes
0 comments
豬扒米
29 views
0 likes
0 comments
 ::: 自製菊花茶 (凍) ::: $7/杯
成日不停食同講野搞到喉嚨有d乾, 見呢度有自製菊花茶就叫咗杯嚟飲下~ 本身只係諗住解下渴點知原來又有驚喜喎! 菊花茶雪得勁冰涼, 味道唔會太甜兼滲出淡淡菊花香~ 飲完喉嚨勁舒服~ 推介!
自製菊花茶
40 views
0 likes
0 comments
 如果當佢係一間平民食肆咁睇, 成卅幾四十蚊一碗粉麵仲要唔係大兜其實就唔係好抵架喇~ 不過從個醉雞同菊花茶感受到小店出品的確係有心機有水準. (係豬扒爭d~) 話佢係小店其實都唔少, 除咗主舖之外已經喺隔離租多咗兩個舖位坐客. 而坐喺新舖仔入面等食嘅人就要用d外賣兜同木筷子開餐~ 雖然此舉係方便店方免洗餐具, 但於食客角度嚟講除咗用餐經驗扣分之外仲十分唔環保. 希望遲下佢地生意做大d請多d人手可以改善呢個餐具問題啦~
街坊店格局
31 views
0 likes
0 comments
(The above review is the personal opinion of a user which does not represent OpenRice's point of view.)
  • Recommend
    Recommended
  • Report
1 Recommended
    Post
    DETAILED RATING
    Taste
    Decor
    Service
    Hygiene
    Value
    Date of Visit
    2012-02-04
    Waiting Time
    15 Minutes (Dine In)
    Spending Per Head
    $52 (Lunch)
    Recommended Dishes
    醉雞
    街坊店格局
    自製菊花茶
    • 菊花茶