金華燒臘大王 (Closed)

胃好，但個口唔好：味蕾仍然因為今日個Casa 包D 味精麻痺中。（詳見上文）o係條脷咁差既情況之下o係金華叫o左客招牌五寶飯同是日例湯。例湯係西洋菜鴨腎豬骨湯，雖然飲落淡淡o地（我既問題），但係係清甜既...最緊要既係佢無落味精兼夾大大碗。鹵味拼燒味好正，份量都多；連男仔唔使叫碟飯，淨係叫碗飯都已經飽。五寶飯有叉燒、燒鴨、白切雞、鹵味（鴨腎、豬潤、雞心）同鹹蛋，附蔥油。燒鴨肥，白切雞肥，連叉燒都肥...無計，肥先餸飯。叉燒掂在D 麥芽糖唔係好似唔使本咁落：薄薄既麥芽糖先可以燒到舊叉燒食到最後都仲脆卜卜。蔥油有蔥香之餘仲有D 爽，再加埋鹹蛋去殼，有heart。燒味阿姐都有禮貌同serve 得好。o係個食龍肉都無味既情況之下仲寫到食經，金華除o左肥膩D 之外，無乜特別原因叫我會唔再幫襯。