點籽冰室 (Closed)

早餐食麵就最爽架啦，香辣肉碎魚片頭湯米，香草炒蛋，牛油餐包，一個豐富全餐，炒蛋夠滑夠香，餐包夠軟熟，湯米好足料，辣肉碎有大大隻辣椒放湯，辣味滲晒出黎，魚片頭都好香好嫩，肉碎同魚片頭配米線真係好正，味道濃烈🌶️🌶️清淡啲既早餐就有牛奶麥皮配雙拼三文治，簡佐芝士蕃茄，牛奶麥皮唔會太甜，淡淡地稠稠地，夠晒健康，三文治既包皮好軟綿，芝士蕃茄都好新鮮，好清新既三文治🥪🥪熱氣啲既早餐就有多士餐，簡佐煉奶同花生醬，絕對係最佳配搭，多士焗得好脆，配上煉奶同花生醬好甜好香，奶香十足🥖🥖早餐最重要一定要有飲唔品，熱奶茶同熱檸茶都好飲，奶茶茶香奶香配合得好好，檸茶夠酸夠開胃☕️☕️