薄荷葉泰國菜

Open Now

Now Closed

悶熱嘅天氣真係令人無乜胃口，想醒胃醒神最啱就係食泰國菜！泰國菜嘅香辣、酸酸甜甜嘅味道，絕對為味蕾帶嚟衝擊。位於元朗嘅薄荷葉泰國菜就充滿泰國風情，餐廳分為室內同室外兩部份，掛上泰式民俗燈，加上味道正宗，值得推介。冬蔭功湯食泰國菜又點少得冬蔭功湯呢？估唔到細size都有五、六碗湯飲，份量十足。湯料都非常豐富，有香茅、香葉、香菇、蝦等，味道酸酸辣辣，夠晒開胃。肉碎生菜包用新鮮爽脆嘅生菜包住帶有洋蔥、香葉，味道微辣嘅肉碎，味道更具層次，簡直令人食唔停口。泰式燒牛仔骨牛仔骨大大塊，而且鮮嫩多汁，一啲都唔韌。加上店舖自家調製嘅醬汁，大大提升咗牛仔骨嘅味道。椒鹽魔鬼魚平時食泰國菜都係食烏頭居多，而薄荷葉泰國菜就有少見嘅魔鬼魚選擇。魔鬼魚炸到甘香爽脆，而肉質非常滑溜，加上椒鹽嘅點綴，充滿驚喜。馬拉盞炒通菜食咗咁多餸，當然要嗌個菜來平衡一下啦！我哋就揀咗馬拉盞炒通菜。馬拉盞嘅鹹香，加上爽脆嘅通菜，真係有泰國嘅味道。