Video
Read full review
2017-10-07
251 views
我知，連八方雲集都寫一篇食評，好似誇張左。誠言，八方雲集數埋都食唔夠5次，今次喺餓到肚扁既時候，居然衝左入黎食。呢間八方雲集喺將軍澳廣場Aeon之內，舖面細細，但經常排長龍。唔好搞錯，喺門口等緊既多數係等外賣，堂食的話，直接入去搵位就好喇。選擇算唔少，今次揀左價值$51.5既麵+鍋貼+飲品套餐，每個item都要加錢 (台式麻醬麵+$2、韓式辣味鍋貼+$2.5、珍珠奶茶+$4，即係大大話話一共加$8.5)。台式麻醬麵，麵質幾彈牙，麻醬味濃，自己加少少豆瓣醬落去吊一吊味，又係另一番滋味。韓式辣味鍋貼，入面包既係韓式泡菜，鍋貼面煎香左又幾脆口。珍珠奶茶就略為有少少甜。食物都算等左一陣 (可能因為肚餓)，同埋... 點解要用即棄餐具咁唔環保呢？得喇，我真係知，八方雲集都寫食評確係有啲誇張，但你又何嘗唔係為左八方雲集而睇左呢篇食評？
選擇算唔少，今次揀左價值$51.5既麵+鍋貼+飲品套餐，每個item都要加錢 (台式麻醬麵+$2、韓式辣味鍋貼+$2.5、珍珠奶茶+$4，即係大大話話一共加$8.5)。台式麻醬麵，麵質幾彈牙，麻醬味濃，自己加少少豆瓣醬落去吊一吊味，又係另一番滋味。韓式辣味鍋貼，入面包既係韓式泡菜，鍋貼面煎香左又幾脆口。珍珠奶茶就略為有少少甜。食物都算等左一陣 (可能因為肚餓)，同埋... 點解要用即棄餐具咁唔環保呢？
得喇，我真係知，八方雲集都寫食評確係有啲誇張，但你又何嘗唔係為左八方雲集而睇左呢篇食評？
台式麻醬麵+韓式辣味鍋貼+珍珠奶茶套餐
$51
44 views
0 likes
0 comments
Post
