Video
Read full review
2022-09-19
68 views
打邊爐最緊要係個爐，車仔麵最緊要梗係令菜材變惹味個汁底啦！呢間小店由30年經驗嘅老師傅傳授嘅滷水汁同埋辣汁嘅車仔麵店，講到咁勁，一定要試下佢啦！🥡蘿蔔豬頸肉大腸生菜粉絲普通車仔麵來來去去都去蛋麵，米粉，河粉，而佢呢度有粉絲食喎，麵底就試下佢。煮得岩岩好，入口唔會太冧，仲好有咬口。蘿蔔又清甜而且炆到好入味，入口即溶，吸收曬湯底嘅味道！豬頸肉同大腸就係佢最出名嘅滷水去煮，滷水豬頸肉好入味之餘又脆口，大腸又好腍，唔會有豬嘅異味之餘，仲會清埋腸入邊嘅脂肪添，絕對係車仔麵中最細心嘅舉動。另外滷水牛筋真係佢地嘅滷水食物之中一定要試嘅。首先係好腍好滑，仲非常之"膠"，癡住我個咀。而且舊舊都係一口大細，帶少少肉，筋肉分明，令到牛味更重，更好味。🥡重點重點重點，佢個辣汁好惹味，夠辣，唔係講笑，食辣嘅就要試！點解點解點解？因為佢嘅辣係好香，而且唔會好似普通嘅辣完就算，有後勁架。所以配番一個玻璃樽裝嘅可樂就fit 哂！gur 哂啦🤣
🥡蘿蔔豬頸肉大腸生菜粉絲
普通車仔麵來來去去都去蛋麵，米粉，河粉，而佢呢度有粉絲食喎，麵底就試下佢。煮得岩岩好，入口唔會太冧，仲好有咬口。蘿蔔又清甜而且炆到好入味，入口即溶，吸收曬湯底嘅味道！豬頸肉同大腸就係佢最出名嘅滷水去煮，滷水豬頸肉好入味之餘又脆口，大腸又好腍，唔會有豬嘅異味之餘，仲會清埋腸入邊嘅脂肪添，絕對係車仔麵中最細心嘅舉動。
另外滷水牛筋真係佢地嘅滷水食物之中一定要試嘅。首先係好腍好滑，仲非常之"膠"，癡住我個咀。而且舊舊都係一口大細，帶少少肉，筋肉分明，令到牛味更重，更好味。
🥡重點重點重點，佢個辣汁好惹味，夠辣，唔係講笑，食辣嘅就要試！點解點解點解？因為佢嘅辣係好香，而且唔會好似普通嘅辣完就算，有後勁架。所以配番一個玻璃樽裝嘅可樂就fit 哂！gur 哂啦🤣
Post
