一喜‧拉麺

Open Now

Now Closed

醬油拉麵嘅秘密就係師傅自己獨製嘅蔥油！好少可以喺拉麵店食到蔥油嘅拉麵。一上枱就已經有好香嘅蔥油味，第一啖飲湯嘅時候唔會好油，但就已經有好香嘅蔥味喺口腔。加埋炭燒叉燒，掛住啲蔥油，成碗食完仲可以飲埋啲湯！期間限定，慢煮鴨胸拉麵，佢嘅鴨胸煮得好淋，鴨皮嘅油脂好香，油脂滲落湯底，令湯底多咗份鴨油香味。餃子大大粒，啲餡料夠多汁，再點埋餃子汁都幾好食。炸雞翼好juicy，肉質好多汁，包裹住佢嘅外層好脆，調味啱啱好。套餐仲有2枝日本茶。