Tonkotsu 8 by 三田製麵所 (Citylink)

Open Now

Now Closed

突然心郁郁想食拉麵，咁啱醒起呢間近地鐵站幾方便，但從來都未試過。標價亦都非常平民化，所以就諗住試吓，尤其下午茶好似幾抵。但係入到去嘅時間未夠，都等咗一陣先可以落單叫下午茶。服務員都好好人，知道我哋想叫下午茶，就一到2:30就主動過嚟幫我哋落單。上菜速度都好快。個醬油湯底其實冇咩特別。由於自己揀咗軟身啲嘅拉麵，都好擔心拉麵質地太淋🙈不過好彩麵算係適中，不過如果再可以彈牙啲就好啦！用料方面大概有三條竹筍、半隻糖心蛋、一片叉燒、一片魚板。糖心蛋稍為過熟，魚板就比較粉狀，唔多彈牙。不過呢個價錢都還可接受。