Video
Read full review
2022-06-11
788 views
今次係第二次食醬油蟹，第一次喺韓國一間好出名嘅大瓦x食過，好腥，腥到有陰影😨。最近見到啲朋友係咁post相，賣相好吸引，都想比多次機會佢🤣！食生野最緊要搵啲出名有信譽嘅好似安全啲😂，呢間幾個朋友食過都覺得蟹唔錯，所以揀佢啦！太耐冇食過韓國嘢，好多都想食！我哋兩個人嗌左一份醬油蟹，醬油蝦，生牛肉，辣豆腐海鮮湯，同米酒。估唔到居然食得哂😂醬油蟹原來一啲都唔會腥架😨，之前係韓國究竟食左啲乜😭。講返呢間先，兩隻蟹配咗兩碗紫茶飯，都幾大碗，蟹就比較細隻，飯比較軟。蟹肉係好好好鮮甜，好滑，一啖咬落去必哂啲肉出黎，呢種感覺好爽🤣。蟹膏就無乜味，醬油味都偏淡，唔知係醃製時間唔夠長，定係本身都係淡淡地，唔會搶走蟹肉味。啲蟹鉗就好難咬，仲拮親個咀😭，唔識食🫠，放棄🥲。醬油蝦有五條，切好哂粒粒先上枱，都係冇乜味道偏淡，口感同虎蝦生蝦差唔多，不過佢一粒咁食就爽口啲彈牙啲🤣，撈埋啲蒜頭辣椒食都幾夾，無咁寡。唔知啲蝦頭食唔食得😂，我地照食左，都幾腥。呢份下次唔會再嗌😂。生牛肉未退冰就擺上枱，好鬼凍，好似食緊雪條，朋友話食緊西瓜咁，索索聲😂。同埋唔知佢隻蛋係扇咗落嚟定係而家係擺喺側邊，賣相無咁好睇😚。味道普通，冇乜
太耐冇食過韓國嘢，好多都想食！我哋兩個人嗌左一份醬油蟹，醬油蝦，生牛肉，辣豆腐海鮮湯，同米酒。估唔到居然食得哂😂
醬油蟹原來一啲都唔會腥架😨，之前係韓國究竟食左啲乜😭。講返呢間先，兩隻蟹配咗兩碗紫茶飯，都幾大碗，蟹就比較細隻，飯比較軟。蟹肉係好好好鮮甜，好滑，一啖咬落去必哂啲肉出黎，呢種感覺好爽🤣。蟹膏就無乜味，醬油味都偏淡，唔知係醃製時間唔夠長，定係本身都係淡淡地，唔會搶走蟹肉味。啲蟹鉗就好難咬，仲拮親個咀😭，唔識食🫠，放棄🥲。
醬油蝦有五條，切好哂粒粒先上枱，都係冇乜味道偏淡，口感同虎蝦生蝦差唔多，不過佢一粒咁食就爽口啲彈牙啲🤣，撈埋啲蒜頭辣椒食都幾夾，無咁寡。唔知啲蝦頭食唔食得😂，我地照食左，都幾腥。呢份下次唔會再嗌😂。
生牛肉未退冰就擺上枱，好鬼凍，好似食緊雪條，朋友話食緊西瓜咁，索索聲😂。同埋唔知佢隻蛋係扇咗落嚟定係而家係擺喺側邊，賣相無咁好睇😚。味道普通，冇乜調味，唔夠甜，同埋好多筋位，可以比多少少雪梨🍐，朋友話似媽媽醃牛肉嘅味道，接受唔到咁生食，佢無乜調味所以啲鮮牛肉味都幾出。
嗌咗咁多生嘢，想嗌個熱食暖胃，求其揀咗個辣海鮮豆腐湯，冇睇到原來個湯都配一個飯😂。豆腐都幾滑，有幾隻蝦，都幾彈口，個湯幾好，清清地又唔會好辣，本身仲以為會係啲泡菜汁/韓國辣醬沖開，好彩唔係，味道都唔會好濃烈，暖胃一流。呢個湯主要都係嗌比我朋友食，所以我都冇為意多唔多海鮮😂。
米酒就都係凍嘅，我仲以為有熱嘅，職員話米酒係得凍飲，結果又多一樣生冷野😂。職員係將個壺擺喺我哋枱面，係我哋面前將成支膠樽韓國米酒倒入去😂，成件事即刻覺得唔值$90😂。
$368
36 views
0 likes
0 comments
$368
27 views
1 likes
0 comments
27 views
0 likes
0 comments
$268
32 views
0 likes
0 comments
$138
32 views
0 likes
0 comments
$98
27 views
0 likes
0 comments
$90
17 views
0 likes
0 comments
23 views
0 likes
0 comments
18 views
0 likes
0 comments
Post
