咖喱至尊

Open Now

Now Closed

今日返晏，可以去遠啲到大埔中心搵食，之前一直都想食呢間咖喱至尊，終於有機會了。呢度除咗咖喱外，亦有普通炒粉麵飯，平均都係四十零蚊，相當抵食，既然黎得呢度，就梗係要食咖喱啦。因為唔想食太飽，免得夜晚食唔落飯，所以叫咗下午茶餐咖喱牛腩米線。先試一啖湯，咖喱汁混咗清湯後，味道依然非常香濃，唔會溝到淡晒，唔好以為係下午茶餐就會偷工減料，牛腩份量都幾多，煮得好淋好入味，配料有新鮮蕃茄及青瓜，都算特別，但唔啱我口味。總括黎講，呢度嘅咖喱好好味，下次真係要試下配飯食。