韓舍朗 (Closed)

話說近排都多出尖沙咀試韓國菜，之前喺韓國街果幾間都食過下，咁就行過少少去厚福街試食。朋友話有間味道可以但又唔係好多人食嘅，咁都去試下味，順勢傾下計。佢嘅menu有跟set，咁就叫左海鮮鍋、泡菜芝士餅同泡菜豆腐鍋。小菜四碟唔少得，個薯仔最好食，夠入味！泡菜豆腐鍋都唔錯，豆腐嫩滑，湯唔鹹😊呢個海鮮鍋本身都幾好，又足料，但唔知係咪我同朋友傾得耐，搞到個湯越嚟越鹹，海鮮嘅海水味出哂嚟😂個泡菜芝士餅厚身嘅，不過比較淋，但都好食嘅！其實都想講講間餐廳嘅service都要再加強，由於韓國菜本身比較濃味，係需要時常加水或者預備好枝水喺有食野果圍，感覺會較好。