Video
Read full review
2021-10-30
1508 views
話說襯放午飯，走一趟SOGO感謝週。Mission completed 後，食個快飯。米線迷嘅我，揀左雲桂香 @yugu_noodle。香港米缐界，除咗譚仔家族外，雲桂香都可以話係數一數二嘅「名門望族」🤣，佢嘅重口味亦深得我心🥰雲記（注：雲桂香嘅暱稱）之所以深得我心，主要有幾個原因：1）有豐富嘅配菜：芽菜、韮菜、酸菜、肉碎等，唔使另外點。凈係點小湯米線，其實都已經好豐富，都够好味。（當然，為食之人，會想要多啲其它餸，尤其腩肉，下面再分享）2）酸辣湯底够濃味。重口味嘅我，最怕太單調嘅酸辣湯底。同埋湯嘅顔色係鮮艷嘅椒紅色！見到呢種紅，DNA內置辣嘅慾望就會啟動，唾液腺亦隨之活躍起來😆（利申：本人只愛酸辣湯底，十分專一，所以唔知其它湯底如何。Soly =>) 3）環境乾淨，設備方便。4）出色腩肉：雲記腩肉係用糖同埋醬油醃製過，係濃厚嘅甜咸混合嘅味道。5）今次新試嘅龍蝦肉卷有驚喜！濃厚鮮蝦味，有口感！值得一試😊一句講晒：濃味！豐富！重口味！我鍾意🤗今次出事嘅點係➡️太耐無食，唔記得咗雲記辣嘅程度，嗌咗中辣！！！之後，發現佢嘅中辣都好辣，辣到我唔能夠好好地enjoy其它食材😣冇嘢嘅，有時食
雲記（注：雲桂香嘅暱稱）之所以深得我心，主要有幾個原因：
1）有豐富嘅配菜：芽菜、韮菜、酸菜、肉碎等，唔使另外點。凈係點小湯米線，其實都已經好豐富，都够好味。（當然，為食之人，會想要多啲其它餸，尤其腩肉，下面再分享）
2）酸辣湯底够濃味。重口味嘅我，最怕太單調嘅酸辣湯底。同埋湯嘅顔色係鮮艷嘅椒紅色！見到呢種紅，DNA內置辣嘅慾望就會啟動，唾液腺亦隨之活躍起來😆（利申：本人只愛酸辣湯底，十分專一，所以唔知其它湯底如何。Soly =>)
3）環境乾淨，設備方便。
4）出色腩肉：雲記腩肉係用糖同埋醬油醃製過，係濃厚嘅甜咸混合嘅味道。
5）今次新試嘅龍蝦肉卷有驚喜！濃厚鮮蝦味，有口感！值得一試😊
一句講晒：濃味！豐富！重口味！我鍾意🤗
今次出事嘅點係➡️太耐無食，唔記得咗雲記辣嘅程度，嗌咗中辣！！！之後，發現佢嘅中辣都好辣，辣到我唔能夠好好地enjoy其它食材😣
冇嘢嘅，有時食辣總會有遇上挑戰自我嘅機會。正所謂「食辣嘅旅途流流長，總會遇上幾次CLS嘅辣。」😌
LadyB CP值：⭐️⭐️⭐️⭐️⭐️
164 views
0 likes
0 comments
59 views
0 likes
0 comments
44 views
0 likes
0 comments
Post
