阿桂老友粉 (Closed)

雖然上次個老友粉瀨瀨地，不過印像中之前去係好食好多嘅，所以決定俾多次機會佢，今次嗌咗酸辣炸醬辣腩肉米線，一睇個樣經已似樣好多啦，上面鋪滿著香辣而入味嘅肉碎，而唔係上次淡茂茂嘅幾片肉，肉碎嘅肥瘦適中，呈現黃金嘅六四比，湯底亦由鮮橙色轉為深啡色，係喇，上次就係呢個味道喇，唔知點解今次嘅酸菜比上次嘅酸，更加啱胃口，腩肉片片經過醃製，個湯底夠哂酸辣，啱哂我呢啲重口味嘅人士。