一品刀削麵 (Closed)

早兩日6 點幾去食左個early dinner，可能太早一個人都無，例牌太子仔態度唔多好，講野無尾音，大聲叫我量體溫，OK 算～等外賣期間見住送貨送左幾箱味丹嚟，味精預左你有，但...無諗到你咁重手，呢幾年已經不停加價，叫左個手撕雞刀削麵，青瓜多過雞，雞肉真係少到喊，返到屋企成晚狂飲水，渴到痴線，真係唔知落左幾多味精。唔知係咪太耐無食兩老已經退左休俾兩個仔打骰，定因為我太早去兩老未埋位～但真係覺得又唔抵食，又唔好食，仲要太子位個面口態度真係差到......我諗唔到再幫襯嘅原因。