Video
Read full review
2018-01-26
221 views
自從上次出trip去過意大利野，好耐都無食過傳統的意大利味道啦! 講真係香港既意大利餐廳有好多，但係要講到傳統味道呢，真係無乜邊間! 朋友介紹話銅鑼灣既Babbo Trattoria既意式風情可傳統，咁公司既意大利人都去開果度食，所以今次一於約朋友去試下!或者係平日夜晚既關係，當晚人唔算好多，但入到去就好似返左意大利街邊咁!(其實米蘭街邊餐廳D裝修唔好諗到咁裝潢，好多都開左好多年，有種老店感覺，所以呢度都有呢種風味! 遠處望到遠處有個好大既窯爐，係最傳統果隻，香港好少見，睇黎呢度呢到最傳統既意大利味道!店員見到我地對窯燒咁有興趣，就介紹左我地幾度窯燒既菜式! 佢話呢度最出名既餐前小食就係”帕達諾窯烤牛肚”，建議我地試下! 上台果陣真係好香! 雖則我本身好少食內臟，因為怕果陣臊味，但個牛肚好淋，一d都好唔臊，而且佢用窯燒，就好似鎖住d肉汁咁，令到d牛肚好juicy，配埋佢個漿，點烤多士食，就係回味無窮啊! 至於個醬呢，味道好豐富好有層次，我食得出番茄味同rosemary，其他既食唔出啦，不過意大利野個醬係精瘁，呢個醬絕對係cief秘製!Main disk – 我地一人叫左一個! 我就點
或者係平日夜晚既關係，當晚人唔算好多，但入到去就好似返左意大利街邊咁!(其實米蘭街邊餐廳D裝修唔好諗到咁裝潢，好多都開左好多年，有種老店感覺，所以呢度都有呢種風味! 遠處望到遠處有個好大既窯爐，係最傳統果隻，香港好少見，睇黎呢度呢到最傳統既意大利味道!
店員見到我地對窯燒咁有興趣，就介紹左我地幾度窯燒既菜式! 佢話呢度最出名既餐前小食就係”帕達諾窯烤牛肚”，建議我地試下! 上台果陣真係好香! 雖則我本身好少食內臟，因為怕果陣臊味，但個牛肚好淋，一d都好唔臊，而且佢用窯燒，就好似鎖住d肉汁咁，令到d牛肚好juicy，配埋佢個漿，點烤多士食，就係回味無窮啊! 至於個醬呢，味道好豐富好有層次，我食得出番茄味同rosemary，其他既食唔出啦，不過意大利野個醬係精瘁，呢個醬絕對係cief秘製!
Main disk – 我地一人叫左一個! 我就點左肉漿野菇Risotto，朋友仔就叫左Sicily辣味鮮蝦pizza! 先講個Risotto，唔好以為同出面食D肉醬意粉無乜分別! 一上台我就聞到個cheese面層烤得好香，都估唔到原來佢個cheese面層真係好~好~好厚架! 用叉撩開發覺cheese面唔但止厚，而且好結實，拉起絲上來d絲拉到好長都唔斷，證明落足料啊! 味道方法，呢個risotto既濃郁程度係出面食到既幾倍! 好滿足! 係我想要既傳統既意大利味道啊!
Sicily辣味鮮蝦pizza – 店員好貼心咁問我地食唔食得辣，因為佢話呢個辣蝦真係好夠辣! 當然我呢個辣妹，當然幾辣無問題啦! 個pizza上台果下已經好香，雖則我地見到d邊黑左，但係呢個係窯燒既賣點黎! 相比用焗爐，當然無咁易啦，但味道完全係兩回事! 窯燒pizza既餅底，食落有好香既小麥味道，邊位好脆，但入面並無乾憎憎，食到餅面好香膿既辣汁同茄醬味道，而且大蝦得好香口! 正!
雖則呢餐只係叫左三樣野，但已經食到好飽啦，非常滿足! 以後要食傳統意大利既味道，我一定會再黎返Babbo Trattoria!
Post
