Video
Read full review
2010-10-24
385 views
自從轉工後都好少踏足觀塘一帶了﹐雖然係工業區﹐但其實都有幾多好野食。上星期因為應舊同事約而再重臨觀塘﹐今次係去飲茶﹐去左創紀之城間好彩飲。講真呢間酒樓真係打左咁多年觀塘工都未嚟過﹐因為都唔算近公司﹐但因為同事話點心唔錯而約左嚟呢度。我地一行六個人﹐各自點左唔少點心﹐首先嚟左個冷盤係海蜇千層﹐一向鐘意食海蜇﹐佢個千層應該係豬耳來的﹐配上好香嘅麻油同芝麻﹐涼涼地幾醒胃。跟住嚟左個粉果﹐一睇就知好足料﹐多到爆開咁滯﹐皮好薄﹐一籠有三個﹐兩籠就滿足哂成枱人嘅胃口。加上而家啲燒賣已經唔係間間好食﹐粉果係不錯的選擇。個人愈大就愈喜愛懷舊﹐對食物亦然﹐ 跟住叫左籠糯米雞，想起以前讀書時一朝早食一個真係好好好滿足架﹗一上枱話咁快就俾我地清哂喇﹐ 嘩哈哈～再嚟就係腸粉﹗ 飲茶必叫﹗ 今次叫左蝦腸同牛肉腸﹐ 蝦好新鮮﹐又大大隻﹐ 睇得出做得好有心機。個人認為牛腸加芫茜係絕配﹐ 一個人食一碟都唔過份呀﹗ 終於到我嘅"飛佛'出場—流沙奶皇包﹗ 呢樣簡直可以話係飲茶必食﹐ 一撕開兩半啲半溶奶皇就流哂出嚟﹐ 差啲就流哂落隻手度呀﹐好野自然唔可以等﹐即刻一口KO佢啦～跟住就係豉汁蒸鳳爪﹐好好好入味﹗又夠淋﹐鳳爪都
上星期因為應舊同事約而再重臨觀塘﹐今次係去飲茶﹐去左創紀之城間好彩飲。
講真呢間酒樓真係打左咁多年觀塘工都未嚟過﹐因為都唔算近公司﹐但因為同事話點心唔錯而約左嚟呢度。
我地一行六個人﹐各自點左唔少點心﹐首先嚟左個冷盤係海蜇千層﹐一向鐘意食海蜇﹐佢個千層應該係豬耳來的﹐配上好香嘅麻油同芝麻﹐涼涼地幾醒胃。
跟住嚟左個粉果﹐一睇就知好足料﹐多到爆開咁滯﹐皮好薄﹐一籠有三個﹐兩籠就滿足哂成枱人嘅胃口。加上而家啲燒賣已經唔係間間好食﹐粉果係不錯的選擇。
個人愈大就愈喜愛懷舊﹐對食物亦然﹐ 跟住叫左籠糯米雞，想起以前讀書時一朝早食一個真係好好好滿足架﹗
一上枱話咁快就俾我地清哂喇﹐ 嘩哈哈～
再嚟就係腸粉﹗ 飲茶必叫﹗ 今次叫左蝦腸同牛肉腸﹐ 蝦好新鮮﹐又大大隻﹐ 睇得出做得好有心機。個人認為牛腸加芫茜係絕配﹐ 一個人食一碟都唔過份呀﹗
終於到我嘅"飛佛'出場—流沙奶皇包﹗ 呢樣簡直可以話係飲茶必食﹐ 一撕開兩半啲半溶奶皇就流哂出嚟﹐ 差啲就流哂落隻手度呀﹐好野自然唔可以等﹐即刻一口KO佢啦～
跟住就係豉汁蒸鳳爪﹐好好好入味﹗又夠淋﹐鳳爪都大隻﹐都係啲傳統食物最好食。
食多碗茶樓嘅紅豆沙﹐至令今餐劃上完美句號。
雖然已同呢班舊同事少見左好多﹐但一餐簡單嘅飯係會令人更珍惜相處嘅緣份。
Post
