來多碗車仔麵 (康寧道) (Moved) New Location

記得細個去經常去觀塘游水，游完水，都會嚟金僑小食食車仔麵（水，愈游愈肥嘅原因）之前上網睇到金僑原來重開左，改左名做來多碗車仔麵！成日都想搵機會去食反，咁岩出開觀塘整手機，一於去嘆返碗來多碗車仔麵！一入到門口先揀麵，後揀餸，再叫野飲，跟住就可以搵位坐底，姐姐已幫我攞住碗麵去到我坐嘅位置，唔洗驚運送過程會淥親手!(我自問係好「論盡」)今晚叫咗個牛腩豬腸辣魷魚蘿蔔油麵加凍檸茶走甜!當然唔小得加辣汁啦!牛腩好靚，炆得好入味，亦好爽口!辣魷魚係來多碗必選吧?!比起魷魚SO, 其實我更喜歡魷魚頭，食落更爽口!!蘿蔔好清甜，入冬後當造必選!!!充滿回憶嘅味道!!後日攞電話個時要再嚟食過先得!!!到時叫咩餸好呢?!