Ha Noi 越南菜

Open Now

Now Closed

重慶大廈隔離新開左個商場，好時尚，開咗幾間餐廳，行到墜入竟然比我搵到一間地道嘅越南菜，食物款式又多。餐廳又新又靚，環境舒適，位置寬敞。外賣自取仲有優惠。🐮極品牛三寶湯河粉 - $70三寶有牛丸、牛展、生牛肉，牛丸爽口彈牙，牛展厚薄適中，偏軟身，生牛肉拎到返屋企都熟咗七成到，啱啱好，牛味重。🍚魚露雞扒煎蛋飯- $62最鍾意食有窿邊嘅雞蛋，雞扒有少少魚露味調鮮，肉質都幾滑。🐷越式香茅豬扒（細）- 加 $23叫主食仲可以用優惠價加小食，細細份豬扒同人一齊share就啱啱好。🥤椰汁紅豆冰、蜂蜜有子梳打 - 加$12特飲夠晒大杯，紅豆冰好多紅豆。