渝味曉宇重慶老火鍋 (太子集團中心) (Closed)

火鍋黎講通常係食港式或者台式，但呢排好似多左好多新既火鍋店，今次就試試呢間重慶火鍋。一坐低第一時間就要揀湯底，當中最特別係九宮格鍋，但見佢有3條辣椒，第一次都係安全啲食個滋潤鴛鴦鍋。辣湯底好麻好過癮，配上香油有另一風味，但豬骨湯底亦唔馬虎，有豬骨粟米蘿蔔，湯底偏甜。兩種湯底輪流食，個麻辣味唔會咁快嫌重慶火鍋特色係配料好多都係內臟(唔少聽過但未食過)，需要細心既事前處理，而係香港好少地方會食到。鮮黃喉。口感好爽脆，份量幾大份，一路食到尾但又唔會覺得膩。脆爽豬天梯。同樣爽脆，但比起黃喉多啲咬口，有啲似雞軟骨，掛湯應力一流。大刀牛肝。豬肝食得多，牛肝就第一次食，口感唔似豬肝咁爽，比較粉，但「鐵」既味道好重，好正。牛骨髓。口感好特別，嫩滑中帶點彈牙，今次火鍋本人最喜歡的一個食材。推介～不過唔鍾意食內臟既朋友可能要突破下個心理關口。除左以試比較特色既配料，基本配料質素都唔差，推介其中的一道 - 重慶耗兒魚（香港平時叫開剝皮魚），魚肉鮮甜，配上麻辣湯都唔會被蓋過個鮮味，好味！最後要提一提個洛神花茶，係自家製的，味道濃得黎又唔會太酸，中和返麻辣味道同油膩感。