重慶洪鼎火鍋 (Closed)

香港有好多地方都可以食到重慶火鍋，但係好多環境都好逼！我哋今次嚟到呢間尖沙咀嘅重慶火鍋，估唔到佢啲位咁闊落！而且通風系統好好，食完都唔會好大陣味！火鍋湯底叫左鴛鴦湯，麻辣口味就算叫左小辣都好辣！食到我地瓜瓜聲叫！但係真係好正呀！另一半就係雞湯，入面真係有一隻雞係入面嫁！我哋今次叫咗個海鮮拼盤，嚟嘅時候真係嚇咗一大跳！估唔到個拼盤係咁大個！估唔到啲海鮮咁新鮮，啲魚生片真係啱啱切出嚟！啲蝦上菜既時候都仲識郁！全部牛肉片到豬肉片都好鮮甜，而且最欣賞佢有半份可以叫，令我哋可以每一款都試一試係咩味道！