嫲嫲雲吞雞 (崇齡大廈) (Closed)

自從疫情好耐都冇黎幫襯過，之前我老公好鍾意食！因為呢度可以揀半份或者一份！啱晒我哋兩公婆又要款式多，但係兩個人又成日食唔晒呢度出名係燉雞湯，如果假期來其實一早已經會賣晒！如果想來試一定要提早嚟或者平日！見佢轉左餐牌，之前冇叫過既酸菜魚，見佢有細份就試吓啦！點知一啲酸菜味都冇！而且啲魚片碎濕濕！同平時喺出面食開嗰啲味道唔一樣。感覺扣晒分！反而個京蔥爆羊肉同蝦醬秋葵炒腩片就保持到超水準啦！色香味濃！都係家常便飯菜式最好味！如果唔係每次來都要等一陣先有位，相信我哋都會多番啲嚟支持🤭