郭仔記粥麵專家

Open Now

Now Closed

以前讀書時代，成日會黎大埔墟四方公園附近食lunch，偶爾都會黎郭仔記。事隔n年，好多當年嘅餐廳都已經無咗，而郭仔記係少數仍然繼續經營至今。今日同朋友經過，決定重拾一下當年嘅回憶同味道。店舖環境都無太大變化，繼續走大眾化平民風，當年門口嘅車仔都仍然喺度。我要咗碗三餸車仔麵，酸齋豬紅牛孖根米粉（沙嗲汁）。沙嗲汁都幾香濃，米粉爽口彈牙。另外枱面有辣菜脯，我都加咗少少落碗麵，辣辣地惹味又爽口。酸齋係我每次食車仔麵必點嘅餸，因為好鍾意佢甜甜酸酸嘅味道。豬紅都ok，天氣咁凍要補下血。牛筋好腍身好滑，正！咁多年仍然保持水準，難怪咁多街坊捧場。