查理布朗咖啡專門店 (Closed)

今日一家五口去到尖沙咀嘅玩具展同科學館玩，玩完就梗係要係尖沙咀食飯啦。開頭諗紅假尖沙咀一定周圍都係人，搵位都幾難，我地又咁多人。行行下諗起有呢間餐廳，可以比小朋友睇住卡通片同公仔影下相 就一於黎呢度食。煙鴨胸雜箘茄汁意粉：好多汁，佢嘅茄汁又唔係平時d茄汁意粉味，佢加左cream 食起黎就更滑。煙鴨胸都好好味～匈牙利牛肋條配飯：汁就少左d,但牛肋條都好淋，一碟大約有3條，個汁都好濃。另外d配菜係烚左嘅西蘭花同雜豆。黑松露雞肉燴飯：超creamy ，估唔到咁好味，都好多菇，雞肉又唔會好鞋，飯嘅軟硬適中。迷你漢堡拼盤：一個係雞肉漢堡一個係牛肉漢堡，因為係比小朋友食所以size 剛好，仲配有薯角。漢堡嘅肉唔會好dry，每個漢堡入面有生菜同蕃茄。薯角都好好味。仲伴有沙律菜，有黑醋做醬汁。橙香朱古力：好香嘅橙味，有埋橙皮係入面，個朱古力都好香，但唯一係唔夠熱。經典朱古力：好濃朱古力味，但係都一樣唔夠熱。我地食左咁多野要5百幾，但就係尖沙咀黎講算平，而且算坐得舒服。