林記點心

Open Now

Now Closed

瞓唔著一早醒咗，難得今日放假又冇特別嘢做，諗起好耐冇食過點心，第一時間諗起西環新興同大埔林記，由於太懶唔想過海嘅關係，於是就坐巴士入大埔飲返個早茶。差唔多十一點嚟到大埔熟食中心，行去林記已經見到人山人海，好彩我得自己一個人好快就搵到個位先，一坐低即刻叫姐姐開返壼香片，嘆茶真係最緊要啲水夠熱，水滾就真係茶靚。即刻叫咗三籠點心醫返個肚先，蝦餃，燒賣同雞扎，真係去飲茶必叫嘅點心。燒賣啖啖肉足料，蝦餃皮薄，雞扎勁大舊，真係同細個飲茶食嘅點心一模一樣，食飽唔夠喉加多個山竹牛肉，真係飽到捧住個肚走~