東京大眾酒場 (Closed)

前排遲放工會係公司附近搵下野食同同事傾傾計，見大角咀利奧坊有新餐廳開左，就去試下新野。一入門口就見到大大個關東煮檔口🍢好多種類，搵個位坐低之後可以慢慢揀。關東煮湯底清甜，唔會蓋過食材本身既味道。極推介牛筋！牛筋好腍同時會有膠質既口感，好正。蘿蔔，蒟蒻同魚糕都係關東煮必點，蘿蔔好入味，蒟蒻爽口，魚糕煙韌彈牙。關東煮種類甚多，雖然無全部試哂，但普遍質素都高，因為最重要既湯底都好味，就咁飲都無問題！另外仲有少少前菜同串燒，偏向重口味，非常適宜佐酒，同朋友一路傾一路飲酒一路食真係好正，到後半傾得太開心，已經忘記影相。雖然地區算偏僻，但食物質素合格以上，味道都貼緊日本旅行時食到既關東煮同串燒，好適合三五知己黎聚合，係會再次光臨的餐廳。