杜老誌大飯店 (Closed)

🇭🇰餐廳裝修好似重現80-90年代嘅香港,內裏店舖齊備，有士多、遊戲機舖、海鮮檔等等，不過裏面其實係各個包廂。餐廳正式改為火鍋餐廳，有全新餐牌選擇。芫荽皮蛋豆腐湯底$78🦐火鍋海鮮船$388/2 位深受每枱客人歡迎，豐富嘅海鮮有鮑魚、蜆、鯇魚片同大肉蟹，不過當日蟶子售罄，換上生蠔，同樣肥美。最有驚喜係鮑魚雖然有少少韌身，但係超級大隻，近乎半隻手掌咁大。玩魚片色澤鮮明爽嫩。蜆肉唔會有沙，幾鮮甜。肉蟹都幾大隻，有少少肉質。🐽西班牙豬肉$82色澤偏淺色同粉嫩，溶雪解凍效果都做得妥當，唔會雪到太硬。🥬溫室翡翠苗$38份量都幾多，食咗比較少叫嘅蔬菜，估唔到呢度會有。