Video
Read full review
2023-06-07
17 views
同男朋友慶祝生日梗係要食好啲😆見本身好評都有唔少，就決定Book呢間鐵板Omakase！黎到廚師好友善咁同我哋簡介食材，同我哋講返食物來源，除咗長知識之外，仲食左個咁好味嘅午餐，而且冇諗過係會咁飽！想講下餐廳既環境先，乾淨利落，而且廚師同我哋講，呢度仲有個房間係可以book 㗎，一D好重視私隱嘅客人就岩晒，聽到呢度覺得佢地好細心！講到重點既野食啦，今日既廚師發辦第一道菜係「龍蝦汁蒸蛋」，好滑溜既蒸蛋配上重澴郁龍蝦汁，再放上可食用花裝飾，淨係睇樣都好吸睛👍🏻第二道「北海道帆立貝伴烏魚子」看似簡單，但因為佢新鮮得黎再配上特別口感嘅烏魚子，食落好有層次，鮮味再提升！第三道「南非鮑魚配鮑魚肝醬」呢個係視覺同味覺都好大享受～因為睇住師傅放左好新鮮既鮑魚係鐵板上面燒，而且要時間拿捏得好好，先至可以食到咁有口感，而且咁鮮味既鮑魚，再配上肝醬，真係感覺到高層次嘅鮮味～第四道 甘鯛立鱗燒伴酸菜魚汁，呢個係我最推介既一道菜，因為佢用左高溫油炸魚鱗，令到每片魚鱗都香脆到好似薯片咁，加上師傅用左酸菜打汁，真係好似食緊酸菜魚咁，估唔到係日式料理上食到一個咁新穎既方法處理，真係驚喜之作👍🏼👍🏼第五道沙巴虎蝦配蟲草
同男朋友慶祝生日梗係要食好啲😆見本身好評都有唔少，就決定Book呢間鐵板Omakase！
黎到廚師好友善咁同我哋簡介食材，同我哋講返食物來源，除咗長知識之外，仲食左個咁好味嘅午餐，而且冇諗過係會咁飽！
想講下餐廳既環境先，乾淨利落，而且廚師同我哋講，呢度仲有個房間係可以book 㗎，一D好重視私隱嘅客人就岩晒，聽到呢度覺得佢地好細心！
講到重點既野食啦，今日既廚師發辦第一道菜係「龍蝦汁蒸蛋」，好滑溜既蒸蛋配上重澴郁龍蝦汁，再放上可食用花裝飾，淨係睇樣都好吸睛👍🏻
第二道「北海道帆立貝伴烏魚子」看似簡單，但因為佢新鮮得黎再配上特別口感嘅烏魚子，食落好有層次，鮮味再提升！
第三道「南非鮑魚配鮑魚肝醬」呢個係視覺同味覺都好大享受～因為睇住師傅放左好新鮮既鮑魚係鐵板上面燒，而且要時間拿捏得好好，先至可以食到咁有口感，而且咁鮮味既鮑魚，再配上肝醬，真係感覺到高層次嘅鮮味～
第四道 甘鯛立鱗燒伴酸菜魚汁，呢個係我最推介既一道菜，因為佢用左高溫油炸魚鱗，令到每片魚鱗都香脆到好似薯片咁，加上師傅用左酸菜打汁，真係好似食緊酸菜魚咁，估唔到係日式料理上食到一個咁新穎既方法處理，真係驚喜之作👍🏼👍🏼
第五道沙巴虎蝦配蟲草花醬，依道菜，一開始就比佢驚喜到，虎蝦竟然大個我男朋友既手，
大蝦口感好彈牙，蝦味十足，但最令依道菜，再提鮮就不得不提依個蟲草花醬，佢有別於其他醬，比我感覺係似XO醬咁既煮法，食落係有細細粒既蟲草花，不得不說師傅每一個醬都係佢地既心機之作。
第六道鵝肝伴蘋果醋茸伴菠蘿冰，鵝肝都係厚切，再加上上蘋果醋茸酸酸甜甜嘅味道，岩岩好中和左鵝肝既油膩感，之後加上一個兒時回憶菠蘿冰，真係透心涼既感覺。
第七道美國薄燒伴昆布漬 ，依道菜比我感覺就係夠晒味覺沖擊，因為用一片薄牛包住滿滿既蒜粒同蔥花，一口咬落，真係肉味滿滿，師傅都好有心思，用昆布漬代替鹽，令牛肉食落多左點不一樣既味道。
第八，九道用一個日式麵豉湯作開頭，再配一個酸菜炒飯配大豆芽炒菜，令到我跟男朋友都真係食到好飽🥰
尾聲仲有黑芝麻雪糕伴焦糖多士做總結，焦糖士多係師傅當場用鐵板煮的，件件都係熱辣辣而且好脆口，再配上的即溶既雪糕真係冇得輸😆同男朋友慶祝生日梗係要食好啲😆
總括嚟講，每道菜精緻得黎，完全唔會話淨係食個外型，每樣食材都係好新鮮！已經列入左再食名單😆
🍽 媄鐵板燒日本料理和酒
📌 尖沙咀廣東道122-126號中港中心7樓
☎️ 9338 9980
⏰ 星期一日 12:00 - 15:00
19:00 - 23:00
#尖沙咀 #鐵板燒 #Omakase
Post
