Video
Read full review
2023-11-23
31 views
近排越嚟越鍾意食燒肉，經常會不受控制咁入咗燒肉店，今日就鐘咗入尖沙咀呢間燒肉店，價錢合理之餘味道亦有驚喜。🌟梅酒蕃茄 $38前菜係用梅酒浸泡過嘅原個蕃茄，口感爽脆多汁，入口先係蕃茄嘅清甜，隨之而來係梅酒嘅香甜，最後仲有淡淡嘅梅酒酒香餘韻。🌟蘋果木煙燻松露和牛他他 $158食法係先將切成條嘅蘋果、蔥花同生蛋黃倒入煙燻過嘅松露同和牛他他入面，全部攪勻之後就食得。而味道方面非常有驚喜，和牛他他十分之鮮甜且口感嫩滑，蘋果條嘅香甜同爽脆、生蛋黃嘅滑嫩、松露淡淡嘅香味令整體層次大大增強，好味👍🏻。🌟芝士吉列鳥肶肉飯卷 $88飯卷入面包住香脆嘅吉列雞肶肉，外層鋪住溶化咗嘅香濃芝士，內裡更有粒粒爽口魚子同日式芥末，口感層次夠晒豐富，而且一定要點埋碟上嘅醬汁一齊食，味道會更正！🌟鳥肶肉醬油 $92燒肉方面揀咗4種，第一款係用醬油醃製過嘅雞肶肉，燒熟之後外皮會有少少焦焦哋香氣十足，肉質食落好幼嫩，味道帶有醬油嘅香氣，唔需要點醬汁都好好味。🌟香蔥薄切牛舌 $82有預先灑上調味料嘅薄切牛舌，食嘅時候加埋切碎嘅香蔥，肉質彈牙有口感，牛肉香味算係幾濃，香蔥嘅點綴亦將味道提升唔少。🌟老饕澳洲M5/M6和牛牛板腱 $
🌟梅酒蕃茄 $38
前菜係用梅酒浸泡過嘅原個蕃茄，口感爽脆多汁，入口先係蕃茄嘅清甜，隨之而來係梅酒嘅香甜，最後仲有淡淡嘅梅酒酒香餘韻。
🌟蘋果木煙燻松露和牛他他 $158
食法係先將切成條嘅蘋果、蔥花同生蛋黃倒入煙燻過嘅松露同和牛他他入面，全部攪勻之後就食得。而味道方面非常有驚喜，和牛他他十分之鮮甜且口感嫩滑，蘋果條嘅香甜同爽脆、生蛋黃嘅滑嫩、松露淡淡嘅香味令整體層次大大增強，好味👍🏻。
🌟芝士吉列鳥肶肉飯卷 $88
飯卷入面包住香脆嘅吉列雞肶肉，外層鋪住溶化咗嘅香濃芝士，內裡更有粒粒爽口魚子同日式芥末，口感層次夠晒豐富，而且一定要點埋碟上嘅醬汁一齊食，味道會更正！
🌟鳥肶肉醬油 $92
燒肉方面揀咗4種，第一款係用醬油醃製過嘅雞肶肉，燒熟之後外皮會有少少焦焦哋香氣十足，肉質食落好幼嫩，味道帶有醬油嘅香氣，唔需要點醬汁都好好味。
🌟香蔥薄切牛舌 $82
有預先灑上調味料嘅薄切牛舌，食嘅時候加埋切碎嘅香蔥，肉質彈牙有口感，牛肉香味算係幾濃，香蔥嘅點綴亦將味道提升唔少。
🌟老饕澳洲M5/M6和牛牛板腱 $198
呢份和牛每件都大大塊而且唔會太薄，放上燒爐燒到兩邊啱啱好變色就可以食，入口牛肉味非常之咁香濃，脂肪比唔會過分多所以食落幾有口感，最緊要夠大塊，一啖食落口非常滿足。
🌟野菜組合 $88
不得不提嘅係呢個由切片蕃薯、脆肉瓜、粟米同南瓜組成嘅野菜組合，每樣食材都十分之鮮甜可口，仲俾埋牛油你搽埋一齊燒，味道絕不馬虎👍🏻。
🌟特飲-鳳梨 and 乳酸 各$48
兩杯特飲底下都有甜甜嘅粒粒蒟蒻，味道同樣香甜帶少少酸，啱晒邊食燒肉邊飲。
6 views
0 likes
0 comments
Post
