小食糖 (Closed)

離開校園已久既我黎到小食糖，真係既驚訝又開心。餐廳以校園為題，一枱一凳都充滿「那些年」的味道😊同朋友5點到先發現原來餐廳6點先開，但係店員都好人比我地係餐廳周圍影坐低傾計。坐到6點食客開始陸續黎到，即刻叫野食。招牌鹽酥雞扒飯真係好好味！必食！筆者食過好多台灣餐廳既鹽酥雞，我覺得小食糖最香脆少油，特別惹味👍朋友叫左三色芝士薯條，芝士醬好濃味，不過薯條就略嫌炸得唔夠香脆，但無咁熱氣😊飲品我地叫左黑糖珍珠奶茶同埋紫薯拿鐵。朋友話紫薯拿鐵好濃香，不過無諗過個賣相咁可愛浪漫，話唔太岩我地2個男仔飲🤣