咖啡弄 (Closed)

相約朋友重遊咖啡弄，碰下運氣walk in,還好不用等太耐就可以入座。總匯三明治：份量十足，雞肉，蛋，火腿，生菜，蕃茄等塞到滿滿的，仲有碎蛋沙律。其實，食一件已經有七成飽。鹽酥雞：炸得唔算酥脆，同台灣夜市吃到嘅，仲有啲距離。幸好雞塊不算油膩，上面嘅味粉夠惹味，挽回少少分。熱水果茶：朋友叫左凍水果茶，而我就叫左熱水果茶。水果份量足夠，又新鮮，大大壺，毫不吝嗇。熱嘅水果茶味道會酸啲，泡得越耐，味道越酸，不能吃酸嘅朋友要注意囉。未黎過嘅朋友要注意，佢規定每人都要點一杯飲品，每杯都真材實料，大大杯。所以落order時其他可以考慮叫少啲，避免浪費。